3/8/2017

പതിവ് പോലെ 9.15ന് സ്കൂളിൽ എത്തിച്ചേർന്നു. ഇന്ന് പുതിയ പാഠമായ മുക്തകത്തിന്റെ പ്രാരംഭം ആയിരുന്നു. മുക്തകത്തെക്കുറിച്ചുള്ള കുട്ടികളുടെ അറിവ് പരിമിതമായിരുന്നു. പൂന്തോട്ടത്ത് മഹൻ നമ്പൂതിരിയുടെ മുക്തകം ചാർട്ടിൽ എഴുതി പരിചയപ്പെടുത്തിയ ശേഷം മുക്തകം വായിച്ചു കൊടുക്കുകയും തുടർന്ന് കുട്ടികളോട് ആശയം കണ്ടെത്തുന്നതിനുമായി നിർദ്ദേശിച്ചു. രണ്ട് കുട്ടികൾ ആശയത്തിന്റെ ചെറിയ സൂചനകൾ പറയുകയുണ്ടായി. തുടർന്ന് മുക്തകത്തിന്റെ പ്രധാന ആശയം പറഞ്ഞു കൊടുക്കുകയും മുക്തകത്തിന്റെ സവിശേഷതകൾ പദ്യത്തിൽ നിന്നു തന്നെ കണ്ടെത്തുന്നതിനുമായി നിർദ്ദേശിച്ചു. മുക്തകത്തിന്റെ പ്രധാന സവിശേഷതകളിലേക്ക് കടന്നു.