28/11/2017 - പത്താം ദിവസം

9 മണിക്ക് സ്കൂളിൽ എത്തിച്ചേർന്നു. മറ്റ് പ്രത്യേക പ്രവർത്തനങ്ങൾ ഒന്നും തന്നെ ഉണ്ടായിരുന്നില്ല.
                             ജി. ശങ്കരക്കുറിപ്പിന്റെ ' പെരുന്തച്ചൻ ' എന്ന കവിതയുടെ തുടക്കമായിരുന്നു ഇന്ന് . പ്രധാനമായും പ്രാരംഭ പ്രവർത്തനമായിരുന്നു ചെയ്തിരുന്നത്. പന്തിരുകുലത്തെപ്പറ്റി ചോദിച്ചു കൊണ്ടാണ് ക്ലാസ് ആരംഭിച്ചത്. കുറച്ച് കുട്ടികൾക്ക് നാറാണത്തു ഭ്രാന്തനെക്കുറിച്ച് അറിയാമായിരുന്നു.തുടർന്ന് പന്തിരുകുലത്തിന്റെ കഥാപാത്രങ്ങളുടെ സവിശേഷതകൾ മാത്രം അടങ്ങിയ കുറിപ്പുകൾ ഒരോ ബെഞ്ചിനും നൽകുകയും ചെയ്യുന്നു. തുടർന്ന് കുട്ടികൾ ചർച്ച ചെയ്ത് കുറുപ്പിലെ കഥാപാത്രം ഏതാണെന്ന് കണ്ടെത്തുന്നതിന് നിർദ്ദേശിക്കുകയും കുട്ടികൾ കണ്ടെത്തുകയും ചെയ്യുന്നു.ഒരോ ബെഞ്ചിൽ നിന്നും കണ്ടെത്തിയ കഥാപാത്രത്തെ കുറിച്ചുള്ള കുറിപ്പ് വായിക്കുകയും തുടർന്ന് കുറിപ്പിലെ കഥാപാത്രം ഏതാണെന്ന് വ്യക്തമാക്കുകയും ചെയ്യുന്നു. കണ്ടെത്തിയ കഥാപാത്രം ഏതാണെന്ന് അധ്യാപിക വിലയിരുത്തുന്നു. തുടർന്ന് പെരുന്തച്ചനെക്കുറിച്ച് അധ്യാപിക സംസാരിക്കുന്നു. തുടർന്ന് പാഠഭാഗത്തിനെ പ്രധാന ആശയങ്ങളിലേയ്ക്ക് കടക്കുന്നു 3.30 ന് ക്ലാസ് കഴിഞ്ഞു.

27/11/2017

പതിവുപോലെ 9 മണിക്ക് സ്കൂളിൽ എത്തിച്ചേർന്നു.' തേൻകനി' - എന്ന പാഠഭാഗത്തിന്റെ അവസാന ക്ലാസായിരുന്നു ഇന്ന് . പാഠഭാഗത്തിന്റെ പ്രധാന ആശയം പറഞ്ഞുകൊണ്ട് ക്ലാസ് ആരംഭിച്ചു. തുടർന്ന് നോട്ടീസ് തയ്യാറാക്കേണ്ട രീതിയെ കുറിച്ച് കുട്ടികളോട് ചോദിക്കുകയും ചെയ്തു. തുടർന്ന് നോട്ടീസിന്റെ മാതൃക ബോർഡിൽ വരച്ച് കാണിച്ചു കൊടുക്കുകയുണ്ടായി. 'തേൻകനി' എന്ന നാടകം വിദ്യാലയത്തിൽ അവതരിപ്പിക്കുന്നത് അറിയിച്ചുകൊണ്ടുള്ള നോട്ടീസ് തയ്യാറാക്കുന്നതിന് നിർദ്ദേശിക്കുന്നു. കുട്ടികൾ നോട്ടീസ് തയ്യാറാക്കുകയും തുടർന്ന് അവതരിപ്പിക്കുന്നതിനായി നിർദ്ദേശിക്കുകയും ചെയ്തു . ആരോമൽ , സണ്ണി തുടങ്ങിയ വിദ്യാർത്ഥികൾ വളരെ ഭംഗിയായി നോട്ടീസ് തയ്യാറാക്കുകയുണ്ടായി. കുട്ടികൾ തയ്യാറാക്കിയ നോട്ടീസ് ക്ലാസ്മുറിയിൽ അവതരിപ്പിച്ചു. തുടർന്ന് ബാലനാടകവേദിയെക്കുറിച്ച് സംസാരിക്കുകയും സാമാന്യ അറിവ് കുട്ടികൾക്ക് പകർന്നു കൊടുക്കുകയും ചെയ്തു. തുടർന്ന് എം.എം സചീന്ദ്രന്റെ ' നായാട്ട് ' എന്ന ബാലനാടക പുസ്തകം പരിചയപ്പെടുത്തുകയും അതിലെ ' ഒരു പുഴയുടെ ആത്മാവ് ' എന്ന ബാലനാടകം ക്ലാസിൽ വായിച്ചുകൊടുക്കുകയും ചെയ്തു. 3.30 ന് സ്കൂൾ വിട്ടു.

15/II / 2017 - 24/11/2017കലാലയത്തിലേക്ക് ......

രണ്ട് വർഷത്തെ അദ്ധ്യാപന പരിശീലനത്തിന്റെ ഭാഗമായി രണ്ടാം ഘട്ട പരിശീലനത്തിനായി ജി.എച്ച്.എസ്.എസ്, ചെറുന്നിയൂർ സ്കൂളിലെ 8 എ  ക്ലാസാണ് ലഭിച്ചത് .
                9 മണിക്ക് സ്കൂളിൽ എത്തിച്ചേർന്നു. ഹാജർ ബുക്ക് പ്രഥമ അദ്ധ്യാപികയെ ഏൽപ്പിക്കുകയും ഒപ്പിടുകയും ചെയ്തു. ഞങ്ങൾക്ക് ഇരിക്കുന്നതിനുള്ള സൗകര്യങ്ങൾ ഒരുക്കിത്തരുകയുണ്ടായി. ടൈം ടേബിൾ അനുസരിച്ച് ഇന്ന് 4 - പീരിയഡിൽ ആണ് 8 എ യിൽ ക്ലാസെടുക്കുന്നതിനായി അനുവദിച്ചിരിക്കുന്നത്‌. നല്ല ബഹളം ഉള്ള ക്ലാസാണെന്ന് പൊതുവെ അറിയുന്നതിനായി കഴിഞ്ഞിരുന്നു.  എന്നിരുന്നാലും ക്ലാസ് നിയന്ത്രണത്തിന് സാധിച്ചു. പരിചയപ്പെടുത്തലുകൾ കഴിഞ്ഞതിനു ശേഷം കുട്ടികളുടെ സർഗ്ഗാത്മകമായ കഴിവുകൾ കണ്ടെത്തുന്നതിന് ശ്രമിച്ചു. രണ്ട് ആൺകുട്ടികൾ വളരെ ഭംഗിയായി നാടൻപാട്ട് പാടുകയുണ്ടായി.
                            8 എ യിൽ ആറാമത്തെ പീരിയഡ് ഫ്രീ ആയതുകൊണ്ട്  കുട്ടികൾ വിളിക്കുകയുണ്ടായി. അതുകൊണ്ട് പാഠഭാഗം തുടങ്ങി വയ്ക്കുന്നതിന് കഴിഞ്ഞു. പത്രവായനയെക്കുറിച്ച് ചോദിച്ചു കൊണ്ട് ക്ലാസ് ആരംഭിക്കുകയുണ്ടായി. കുറച്ച് പത്രം കുട്ടികൾക്ക് നൽകുകയും അതിലെ പ്രധാന വാർത്താപേജുകളെക്കുറിച്ച് ചോദിക്കുകയും ചെയ്തു. വ്യത്യസ്ത വാർത്താപേജുകളെക്കുറിച്ച് കുട്ടികൾ പറയുകയുണ്ടായി. തുടർന്ന് വിവിധ സാമൂഹിക പ്രശ്നങ്ങളെക്കുറിച്ച് ചോദിച്ചു.വ്യത്യസ്ത ഉത്തരങ്ങൾ നൽകുകയുണ്ടായി. വിവിധ മാധ്യമങ്ങളെക്കുറിച്ചും മാധ്യമങ്ങൾ ഇല്ലാതിരുന്ന കാലഘട്ടത്തെക്കുറിച്ചും ചർച്ച ചെയ്തു. അവിടെനിന്നും  കലകളിലേയ്ക്കും കുഞ്ചൻ നമ്പ്യാരിലേയ്ക്കും കടന്നു. പ്രാചീന ആധുനിക കവിത്രയങ്ങളെക്കുറിച്ച് കുട്ടികളോട് ചോദിച്ചു. ചില കുട്ടികൾ വളരെ നന്നായി ഉത്തരം നൽകുകയുണ്ടായി. തുടർന്ന് പാഠഭാഗത്തിലേയ്ക്കും അതിന്റെ പ്രധാന ആശയത്തിലേയ്ക്കും കടന്നു.

രണ്ടാം ദിവസം - 16/11/2017

                          പതിവുപോലെ 9 മണിക്ക് സ്കൂളിൽ എത്തിച്ചേർന്നു. കുഞ്ചൻ നമ്പ്യാരുടെ ധ്രുവചരിതം തുള്ളലിന്റെ ഭാഗമായ 'കിട്ടും പണമെങ്കിലിപ്പോൾ ' എന്ന കവിതയിലെ വരികൾ വായിച്ചു നോക്കി ഓരോ ബെഞ്ചിൽ നിന്നും ഈണം കണ്ടെത്തുന്നതിനായി നിർദ്ദേശിക്കുകയും കുട്ടികൾ ചർച്ച ചെയ്ത് ഈണം കണ്ടെത്തുകയും ചെയ്തു. ഒരു ബെഞ്ചിലെ പെൺകുട്ടികൾ തുള്ളലിന്റെ താളത്തിൽ ചൊല്ലുന്നതിനായി ശ്രമിക്കുകയുണ്ടായി. തുടർന്ന് ,  തുള്ളലിന്റെ താളത്തിൽ കുട്ടികൾക്ക് കവിത ചൊല്ലിക്കൊടുക്കുകയുണ്ടായി . കവിതയിലെ വരികൾ വായിച്ചു കൊണ്ട് ആശയവിശദീകരണം നടത്തി. കുറച്ച് ഭാഗം മാത്രമെ ആശയ വിശദീകരണം നടത്തുന്നതിന് കഴിഞ്ഞുള്ളൂ.
                       ആറാമത്തെ പിര്യഡിലും ഫ്രീ ആയതുകൊണ്ട് ക്ലാസ് എടുക്കുന്നതിനായി ലഭിച്ചു. വരികളിലെ ആശയം വിശദീകരിച്ച തിനു ശേഷം ശീതങ്കൻ തുള്ളലിന്റെ വീഡിയോ കാണിച്ചു കൊടുത്തു. ഇത്തരത്തിൽ മനുഷ്യന്റെ അത്യാഗ്രഹത്തെ എടുത്തു പറയുന്ന പൂന്താനത്തിന്റെ ജ്ഞാനപ്പാനയിൽ നിന്നുള്ള നാല് വരികൾ ചാർട്ടിൽ പരിചയപ്പെടുത്തുകയും വരികളിലെ ആശയം കണ്ടെത്തുന്നതിനായി നിർദ്ദേശിക്കുകയും ചെയ്തു. കുട്ടികൾ ആശയം കണ്ടെത്തി ക്ലാസിൽ അവതരിപ്പിക്കുകയുമുണ്ടായി.

മൂന്നാം ദിവസം - 17/11/ 2017

                   9 മണിക്ക് സ്കൂളിൽ എത്തിച്ചേർന്നു. ഇന്ന് ആറും ഏഴും പിര്യഡുകളിൽ ആണ് ക്ലാസ് അനുവദിച്ചിരിക്കുന്നത്. വെള്ളിയാഴ്ച ആയതുകൊണ്ട് തന്നെ സമയക്രമത്തിൽ വ്യത്യാസം ഉണ്ടായിരുന്നു . ആറാം പിര്യഡിൽ ക്ലാസിൽ പോയപ്പോഴാണ് അടുത്ത ദിവസം നടക്കുന്ന പി. എസ്. സി ടെസ്റ്റിനെക്കുറിച്ച് അറിഞ്ഞത്. അതുകൊണ്ട് തന്നെ നേരത്തേ സ്കൂൾവിടുമെന്ന് അറിയുകയുണ്ടായി. എന്നിരുന്നാലും അരമണിക്കൂർ ക്ലാസ് എടുക്കുന്നതിനായി ലഭിച്ചു. ആക്ഷേപഹാസ്യം , കാർട്ടൂണുകൾ, കാർട്ടൂൺ കവിതകൾ, കാരിക്കേച്ചർ തുടങ്ങിയവ പരിചയപ്പെടുത്തുകയും തുടർന്ന് കുട്ടികളെ ഗ്രൂപ്പുകളായി തിരിക്കുകയും ചെയ്തു. തുടർന്ന് കാർട്ടൂണുകളും, കാരിക്കേച്ചറുകളും അടങ്ങിയ ചാർട്ട് കുട്ടികൾക്ക് പരിചയപ്പെടുത്തുകയുണ്ടായി. ഓരോ ഗ്രൂപ്പിനും ചാർട്ട് പരിശോധിക്കുന്നതിനായി നൽകുകയും ഗ്രൂപ്പുകളിൽ ചർച്ചചെയ്ത് കാർട്ടൂണുകളോ കാരിക്കേച്ചറുകളോ നിർമ്മിക്കുന്നതിനു വേണ്ടുന്ന വിഷയം കണ്ടെത്തുന്നതിന് നിർദ്ദേശിക്കുകയുണ്ടായി. കുട്ടികൾ ചർച്ച ചെയ്ത് വിഷയം കണ്ടെത്തുകയുണ്ടായി. എന്നാൽ കുട്ടികൾക്ക് പ്രവർത്തനം ചെയ്യുന്നതിനുള്ള സമയം ലഭിച്ചിരുന്നില്ല. മൂന്നുമണിക്ക് സ്കൂൾ വിടുകയുണ്ടായി.

നാലാം ദിവസം - 20/7/2017

                    9 മണിക്ക് സ്കൂളിൽ എത്തിച്ചേർന്നു. ഇന്ന് മൂന്നാം പിര്യഡിൽ ആയിരുന്നു ക്ലാസ് . കുഞ്ചൻ നമ്പ്യാരുടെ ജീവചരിത്രം അടങ്ങിയ വീഡിയോ കാണിക്കേണ്ടതുകൊണ്ട് തന്നെ രണ്ടാം പി ര്യഡ് കഴിഞ്ഞുള്ള ഇടവേളയിൽ സ്മാർട്ട് ക്ലാസ്മുറിയിൽ പോവുകയും വീഡിയോ കാണിക്കുന്നതിനുള്ള സാങ്കേതിക സംവിധാനങ്ങൾ ശരിയാക്കുകയുണ്ടായി. യൂട്യൂബിൽ നിന്ന് വീഡിയോ കണ്ടെത്തുകയും കുഞ്ചൻ നമ്പ്യാരുടെ ജീവചരിത്രം അടങ്ങുന്ന വിശദമായ വീഡിയോ കാണിക്കുകയും ചെയ്തു. വീഡിയോയിലെ ചിത്രങ്ങൾ വിശദീകരിക്കുകയും ചെയ്തു. തുടർന്ന്, തുള്ളൽ വിഭാഗങ്ങളിലെ ഓട്ടൻ , ശീതങ്കൻ, പറയൻ എന്നീ തുള്ളൽ വിഭാഗങ്ങളുടെ പ്രത്യേകതകൾ കണ്ടെത്തി എഴുതുന്നതിന് നിർദ്ദേശിക്കുകയുണ്ടായി. കുട്ടികൾ തുള്ളൽ വിഭാഗങ്ങളുടെ പ്രത്യേകതകൾ കണ്ടെത്തി എഴുതുകയും പ്രവർത്തനം അവതരിപ്പിക്കുകയും ചെയ്തു. തുടർന്ന്, ഗ്രൂപ്പുകളായി ഇരിക്കുന്നതിന് നിർദ്ദേശിക്കുകയും ഓരോ ഗ്രൂപ്പിനും ആൽബം നിർമ്മിക്കുന്നതിന് വേണ്ടിയുള്ള ചുമതലകളും നിർദ്ദേശങ്ങളും നൽകുകയുണ്ടായി. 3. 30 ന് സ്കൂൾ വിട്ടു.

അഞ്ചാം ദിവസം - 21/II / 2017

                 പതിവുപോലെ 9 മണിക്ക് സ്കൂളിൽ എത്തിച്ചേർന്നു. ഇന്ന് ആറാം പീര്യഡിൽ ആയിരുന്നു ക്ലാസ്. പുതിയൊരു പാഠത്തിന്റെ തുടക്കം കൂടിയായിരുന്നു ഇന്ന്.വയലാ വാസുദേവൻ പിള്ളയുടെ ' തേൻകനി' എന്ന നാടകത്തിന്റെ പ്രാരംഭ പ്രവർത്തനം നടത്തുന്നതിനായി സാധിച്ചു. കുട്ടികളോട് ഗ്രൂപ്പുകളാക്കുന്നതിനു നിർദ്ദേശിക്കുകയും തുടർന്ന് ഓരോ ഗ്രൂപ്പിനും ഒരു വിഷയം അടങ്ങിയ ചാർട്ട് നൽകുകയും ചെയ്തു . മാവിൻ ചുവട്ടിൽ , ഭൂതം വരുന്നു , മടിയനും കൂട്ടുകാരും , ഒരുമിച്ചൊന്നായ് , എന്നീ വിഷയങ്ങളാണ്  തിരഞ്ഞെടുത്തത്. ഓരോ ഗ്രൂപ്പിനും കിട്ടിയ വിഷയങ്ങളുടെ അടിസ്ഥാനത്തിൽ ചർച്ച ചെയ്ത് ഒരു കഥ കണ്ടെത്തുന്നതിന് നിർദ്ദേശിച്ചു. കുട്ടികൾ ചർച്ച ചെയ്ത് കഥ കണ്ടെത്തുകയും തുടർന്ന്, ഒരു തിരക്കഥാ നിർമാണത്തിന് വേണ്ടുന്ന നിർദ്ദേശങ്ങൾ നൽകുകയും ചെയ്തു . മാതൃകയായി എം.  ടി യുടെ ' നാലു തിരക്കഥകൾ ' എന്ന പുസ്തകം പരിചയപ്പെടുത്തുകയുണ്ടായി. കണ്ടെത്തിയ കഥയെ തിരക്കഥയാക്കുന്നതിനുള്ള നിർദ്ദേശം നൽകി. കുട്ടികൾ തിരക്കഥയിലെ കുറച്ച് ഭാഗം എഴുതുകയുണ്ടായി. ബാക്കിയുള്ള പ്രവർത്തനം അവതരിപ്പിക്കുന്നതിനുള്ള സമയം ലഭിച്ചിരുന്നില്ല .

 ആറാം ദിവസം - 22/ 11/2017

                        9 മണിക്ക് സ്കൂളിൽ എത്തിച്ചേർന്നു. കഴിഞ്ഞ ദിവസം തിരക്കഥ എഴുതുന്ന പ്രവർത്തനം നൽകുകയുണ്ടായി. പ്രവർത്തനത്തിന്റെ ബാക്കി ആദ്യം തന്നെ ചെയ്യിക്കുകയായിരുന്നു. ഗ്രൂപ്പുകളായി ഇരിക്കുന്നതിന് നിർദ്ദേശിക്കുകയും തുടർന്ന് തിരക്കഥയുടെ ബാക്കി എഴുതി പൂർത്തിയാക്കുന്നതിനും നിർദ്ദേശിച്ചു. കുട്ടികൾ തിരക്കഥയുടെ ബാക്കി എഴുതി പൂർത്തിയാക്കുകയുണ്ടായി. തുടർന്ന് തിരക്കഥയിലെ കഥാപാത്രങ്ങളെ നിശ്ചയിക്കുന്നതിന് നിർദ്ദേശിക്കുകയും കുട്ടികൾ സ്വയം എഴുതി തയ്യാറാക്കിയ തിരക്കഥയിലെ കഥാപാത്രങ്ങളെ ഓരോ ഗ്രൂപ്പിൽ നിന്നും കണ്ടെത്തുകയുണ്ടായി.ഓരോ ഗ്രൂപ്പിൽ നിന്നും തിരക്കഥയുടെ അഭിനയാവതരണത്തിനായി നിർദ്ദേശിച്ചു. ഒന്ന്, രണ്ട്, ഗ്രൂപ്പുകളിൽ നിന്നും തിരക്കഥയുടെ അവതരണം നടത്തുകയുണ്ടായി. തുടർന്ന് പാഠഭാഗത്തേക്ക് കടക്കുകയും മൗനമായി പാഠഭാഗം വായിക്കുന്നതിനും നിർദ്ദേശിച്ചു. കുട്ടികൾ പാoഭാഗം മൗനമായി വായിക്കുകയും ചെയ്തു . പാഠഭാഗത്ത് നിന്ന് ചില  ചോദ്യങ്ങൾ ചോദിക്കുകയും ആശയവിശദീകരണം നടത്തുകയും ചെയ്തു.തുടർന്ന് ഓരോ ഗ്രൂപ്പിനും ഒരു ചോദ്യം അടങ്ങിയ ചാർട്ട് നൽക്കുകയും ചോദ്യത്തിന് ചർച്ച ചെയ്ത് ഉത്തരം കണ്ടെത്തുന്നതിന് നിർദ്ദേശിക്കുകയും ചെയ്തു.കുട്ടികൾ ചർച്ച ചെയ്ത് ഉത്തരം കണ്ടെത്തുകയും ക്ലാസ് മുറിയിൽ അവതരിപ്പിക്കുകയും ചെയ്തു. 3.30 ന് സ്കൂൾ വിട്ടു.

ഏഴാം ദിവസം -  23/II / 2017

                        പതിവുപോലെ 9 മണിക്ക് സ്കൂളിൽ എത്തിച്ചേർന്നു. തേൻകനി - എന്ന നാടകത്തിന്റെ നാടകാവതരണത്തിനായി ക്ലാസിൽ നിന്നും കഥാപാത്രങ്ങളെ തിരഞ്ഞെടുക്കുകയും പാഠഭാഗത്തിലെ കഥാപാത്രങ്ങളെ കൂടാതെ സൂത്രധാരൻ, ഉമ്മാക്കി എന്നീ കഥാപാത്രങ്ങളെക്കൂടി ഇതിൽ ഉൾപ്പെടുത്തുകയായിരുന്നു. കുട്ടികളുമായി ആഡിറ്റോറിയത്തിലേയ്ക്ക് പോവുകയും നാടകാവതരണത്തിനായി പരിശീലിക്കുകയുമുണ്ടായി. ഇന്ന്  പ്രധാനമായും നാടകത്തിനുള്ള പരിശീലനം ആണ് ഉണ്ടായിരുന്നത്. വളരെ നന്നായി അഭിനയിക്കുന്നതിന് കഴിവുള്ള കുട്ടികളെ കണ്ടെത്തുന്നതിന് ഇതിലൂടെ സാധിച്ചു.രാമൻ എന്ന കഥാപാത്രമായി ഷിബിയെയും ഭദ്രൻ എന്ന കഥാപാത്രത്തിനായി നന്ദിതയെയും വന ഗായകൻ ആയി ആരോമലിനെയും തിരഞ്ഞെടുക്കുകയുണ്ടായി.തുടർപ്രവർത്തനമായി അദ്ധ്വാനത്തെക്കുറിച്ചുള്ള പഴഞ്ചൊല്ലുകൾ ശേഖരിക്കുന്നതിനായി സാധിച്ചു.

എട്ടാം ദിവസം - 24/11/2017

                    9 മണിക്ക് സ്കൂളിൽ എത്തിച്ചേർന്നു. ഇന്ന് ആറും ഏഴും പീര്യഡിൽ ആയിരുന്നു ക്ലാസ്.അദ്ധ്വാനത്തെക്കുറിച്ചുള്ള പഴഞ്ചൊല്ലുകളെക്കുറിച്ച് ചോദിക്കുകയും കുറച്ച് കുട്ടികളെക്കൊണ്ട് പഴഞ്ചൊല്ല് വായിപ്പിക്കുകയും ചെയ്തു. തുടർന്ന് ചാർട്ടിൽ പഴഞ്ചൊല്ലുകൾ എഴുതുന്നതിനായി ക്ലാസിൽ കൃഷ്ണേന്ദുവിനെ നിർദ്ദേശിച്ചു. തുടർന്ന് "എല്ലുമുറിയെ പണി ചെയ്താൽ
പല്ലുമുറിയെ തിന്നാം " എന്ന ചൊല്ലും പാഠഭാഗവുമായും ബന്ധപ്പെടുത്തി കുറിപ്പ് തയ്യാറാക്കുന്നതിന് നിർദ്ദേശിച്ചു. കുട്ടികളിൽ ചിലർ വളരെ നന്നായി ഉത്തരം എഴുതുകയും പ്രവർത്തനം ക്ലാസിൽ അവതരിപ്പിക്കുകയും ചെയ്തു. കുട്ടികൾ കണ്ടെത്താത്ത പഴഞ്ചൊല്ലുകൾ പറഞ്ഞു കൊടുക്കുകയും ചെയ്തു. തുടർന്ന് തേൻ കനി എന്ന നാടകത്തിലെ പ്രധാന കഥാപാത്രമായ ' ഭദ്രൻ ' നെക്കുറിച്ച് എഴുതുന്നതിനായി നിർദ്ദേശിച്ചു.
                  

8/8/2017

8.55 ന് സ്കൂളിൽ എത്തിച്ചേർന്നു . ഇന്ന് മൂന്ന് പീരിയഡ് ക്ലാസ് എടുക്കുന്നതിനായി സാധിച്ചു. കവയിത്രിയുടെ ബാല്യകാല ഓർമ്മകളെക്കുറിച്ച് ചോദിച്ചു . തുടർന്ന് പാഠഭാഗത്തിന്റെ ബാക്കി വായനയിലേയ്ക്ക് കടന്നു. ആശയ വിശദീകരണവും അർത്ഥ പരിചയവും നടത്തി. തുടർന്ന് 7 ഉം 8 ഉം പീരിയഡുകൾ ക്ലാസ് എടുക്കുന്നതിനായി കിട്ടി. കുട്ടികളോട് ഗ്രൂപ്പുകളായി ഇരിക്കാൻ പറഞ്ഞു . ചോദ്യങ്ങൾ അടങ്ങിയ ചാർട്ടിൽ നിന്നും ഓരോ ചോദ്യം ഗ്രൂപ്പുകൾക്ക് നൽകുകയും തുടർന്ന് ചർച്ച ചെയ്ത് ഉത്തരം കണ്ടെത്തുന്നതിനുമായി നിർദ്ദേശിച്ചു. ഓരോ ഗ്രൂപ്പുകാരും പ്രവർത്തനാവതരണം നടത്തി. ആവശ്യമായ കൂട്ടിച്ചേർക്കലുകൾ നിർദ്ദേശിച്ചു.

7/8/2017- പുതുവർഷത്തിലേക്ക് .,,,,,,,,,

9.15ന് സ്കൂളിൽ എത്തിച്ചേർന്നു. പുതിയ അടിസ്ഥാനപാഠാവലിയിലെ പുതുവർഷം എന്ന പാo ഭാഗത്തിന്റെ പ്രാരംഭ പ്രവർത്തനം ആയിരുന്നു ഇന്ന് . പി.കെ.പാറക്കടവിന്റെ വേരുകൾ എന്ന ഹൈക്കു കഥയെഴുതിയ ചാർട്ട് പരിചയപ്പെടുത്തിക്കൊണ്ട് ക്ലാസ് ആരംഭിച്ചു. ഹൈക്കു കഥകളെക്കുറിച്ചും കവിതകളെക്കുറിച്ചും സംസാരിച്ചു. തുടർന്ന് കഥയുടെ ആശയം കണ്ടെത്തുന്നതിനായി നിർദ്ദേശിച്ചു. ചില കുട്ടികൾ ആശയം പറയുകയുണ്ടായി. തുടർന്ന് ആശയം വിശദീകരിക്കുകയും ചെയ്തു. 5 മത്തെ പീരിയഡും ലഭിച്ചു. പുതുവർഷം എന്ന കവിതയിലേയ്ക്ക് കടന്നു .കവിതയുടെ പ്രധാന ആശയം വിശദീകരിക്കുകയും, തുടർന്ന് കവിതയ്ക്ക് ഓരോ ബെഞ്ചുകളായി ഈണം നൽകുന്നതിനും നിർദ്ദേശിച്ചു. ഓരോ ബെഞ്ചിൽ നിന്നും ഈണം ചൊല്ലുകയുണ്ടായി. തുടർന്ന് മജ്ഞരി വൃത്തത്തിൽ കവിത ചൊല്ലിക്കൊടുക്കുകയും ചെയ്തു.

4/8/2017

9.15ന് സ്കൂളിൽ എത്തിച്ചേർന്നു. പാഠഭാഗത്തെ മുക്തകത്തിലേയ്ക്ക് കടക്കുകയായിരുന്നു. ഒന്നാമത്തെ ചേലപ്പറമ്പ് നമ്പൂതിരിയുടെ മുക്ത്തകം ക്ലാസിൽ വായിക്കുകയും ആശയ വിശദീകരണം നടത്തുകയും ചെയ്തു.  മുക്തകത്തിൽ നിന്നും രണ്ട് ചോദ്യങ്ങൾ പറയുകയും ഓരോ ബെഞ്ചുകളായി ചർച്ച ചെയ്ത് ഉത്തരം കണ്ടെത്തുന്നതിനുമായി നിർദ്ദേശിച്ചു. കുട്ടികൾ ഉത്തരം കണ്ടെത്തുകയും സമയം കൂടുതൽ ലഭിക്കാത്തതിനാൽ രണ്ട് ബെഞ്ചിൽ നിന്നു മാത്രമേ പ്രവർത്തനം അവതരിപ്പിക്കുന്നതിനായി സാധിച്ചുള്ളൂ.

3/8/2017

പതിവ് പോലെ 9.15ന് സ്കൂളിൽ എത്തിച്ചേർന്നു. ഇന്ന് പുതിയ പാഠമായ മുക്തകത്തിന്റെ പ്രാരംഭം ആയിരുന്നു. മുക്തകത്തെക്കുറിച്ചുള്ള കുട്ടികളുടെ അറിവ് പരിമിതമായിരുന്നു. പൂന്തോട്ടത്ത് മഹൻ നമ്പൂതിരിയുടെ മുക്തകം ചാർട്ടിൽ എഴുതി പരിചയപ്പെടുത്തിയ ശേഷം മുക്തകം വായിച്ചു കൊടുക്കുകയും തുടർന്ന് കുട്ടികളോട് ആശയം കണ്ടെത്തുന്നതിനുമായി നിർദ്ദേശിച്ചു. രണ്ട് കുട്ടികൾ ആശയത്തിന്റെ ചെറിയ സൂചനകൾ പറയുകയുണ്ടായി. തുടർന്ന് മുക്തകത്തിന്റെ പ്രധാന ആശയം പറഞ്ഞു കൊടുക്കുകയും മുക്തകത്തിന്റെ സവിശേഷതകൾ പദ്യത്തിൽ നിന്നു തന്നെ കണ്ടെത്തുന്നതിനുമായി നിർദ്ദേശിച്ചു. മുക്തകത്തിന്റെ പ്രധാന സവിശേഷതകളിലേക്ക് കടന്നു.

2/8/2017

9.15 ന് സ്കൂളിൽ എത്തിച്ചേർന്നു. ഇന്ന് പീരിയഡ്  ഇല്ലായിരുന്നു.  സ്പെഷ്യൽ ക്ലാസ് എടുക്കുകയാണ് ഉണ്ടായത്. കുറച്ച് കുട്ടികളെ ഉണ്ടായിരുന്നുള്ളൂ. എന്നിരുന്നാലും സുഗതകുമാരിയുടെ " മഴത്തുള്ളി " എന്ന കവിതയുടെ കോപ്പി കുട്ടികൾക്ക് കൊടുക്കുകയും, തുടർന്ന് കവിത വായിച്ച് ആസ്വാദനക്കുറിപ്പ് തയ്യാറാക്കാൻ നിർദ്ദേശിച്ചു.

1 - 8 - 2017

9.15ന് സ്കൂളിൽ എത്തിച്ചേർന്നു. കൃഷി സ്ഥലം പരിപാലിച്ചു.5 - മത്തെ പീരിയഡ് ക്ലാസ് എടുക്കുന്നതിനുള്ള അനുവാദം കിട്ടുകയുണ്ടായി. സോഷ്യൽ സയൻസ് ക്ലബിന്റെ ആഭിമുഖ്യത്തിൽ ഉള്ള ക്വിസ് മത്സരം നടത്തുകയുണ്ടായി. അതു കൊണ്ട് തന്നെ എന്റെ ക്ലാസിൽ വച്ചാണ് നടത്തിയത്. അതിനെത്തുടർന്ന്, കുറച്ച് സമയം പോവുകയുണ്ടായി. കഴിഞ്ഞ ക്ലാസിൽ ആശയ വിശദീകരണം നടത്തിയ ഭാഗത്തു നിന്നും ചോദ്യങ്ങൾ ചോദിച്ചു കൊണ്ട് തുടങ്ങി. ചില കുട്ടികൾ പ്രതികരിച്ചു. തുടർന്ന് ഗ്രൂപ്പുകളായി ഇരിക്കുന്നതിന് നിർദ്ദേശിച്ചു. സവിശേഷ പ്രയോഗങ്ങൾ അടങ്ങിയ ചാർട്ട് നൽകി. ഓരോ സവിശേഷ പ്രയോഗങ്ങൾ അടങ്ങിയ ചാർട്ട് ഓരോ ഗ്രൂപ്പിനും നൽകി. തുടർന്ന് ചർച്ച ചെയ്ത് ഉത്തരം കണ്ടെത്തി അവതരിപ്പിക്കുകയുണ്ടായി. തുടർന്ന് പ്രവർത്തന ക്രോഡീകരണം നടത്തി.

31- 7 - 2017

9.15ന് എത്തിച്ചേർന്നു.പാം ഭാഗത്തേക്ക് പ്രവേശിച്ചു. പാം ഭാഗ വായന യാണ് ആദ്യം നടത്തിയത്. തുടർന്ന് അരിസ്റ്റോ ഫനീസിന്റെയും സോക്രട്ടീസിന്റെയും വാദങ്ങൾ പറയുകയും തുടർന്ന് വാദങ്ങൾ തമ്മിൽ താരതമ്യം ചെയ്യുന്നതിനായി നൽകുകയുണ്ടായി. രണ്ട് കോളം വരച്ചു കൊണ്ട് കുട്ടികളോട് പ്രവർത്തനം ചെയ്യുന്നതിനായി നൽകി. വേദപുസ്തകം, ബൈബിൾ ,പുറപ്പാട് പുസ്തകം തുടങ്ങിയ ഗ്രന്ഥങ്ങളെക്കുറിച്ച് വിശദീകരിച്ചു.

26/7/2017

കാർമുകിലിന് ഗദ്യത്തിൽ ഒരു അർച്ചനാ ഗീതം - പ്രാരംഭം പ്രവർത്തനമായിരുന്നു പ്രധാനമായും നടത്തിയത്. മഴയെക്കുറിച്ചും മേഘത്തെക്കുറിച്ചും സംസാരിച്ചുകൊണ്ട് ക്ലാസ് ആരംഭിക്കുകയുണ്ടായി. വിവിധ നിറത്തിലെ മേഘങ്ങളെക്കുറിച്ച് ചോദിച്ചു. കാർമേഘത്തെക്കുറിച്ച് കുട്ടികൾ പറയുകയുണ്ടായി. തുടർന്ന് കാർമേഘത്തെക്കുറിച്ച് സംസാരിക്കുകയും അവിടെ നിന്നും പാം ഭാഗത്തേക്ക് കടക്കുകയും ചെയ്തു. കെ.പി. അപ്പന്റെ നിരീക്ഷണങ്ങൾ ക്ലാസിൽ പ്രവർത്തനമായി എഴുതുന്നതിനു കൊടുത്തു'

25/7/2017

ബുധനാഴ്ച ആയതു കൊണ്ട് തന്നെ ഇന്ന് എനിക്ക് പീരിയഡ് ഇല്ലായിരുന്നു. 9.15 ന് സ്കൂളിൽ എത്തിച്ചേർന്നു . 7c യിൽ ഫ്രീ പീരിയഡിൽ കയറി. അളകനന്ദയിലെ വെള്ളാരകല്ലുകൾ എന്ന പാഠം കുട്ടികൾക്ക് പഠിക്കാൻ ഉണ്ടായിരുന്നു. അതു കൊണ്ട് തന്നെ രാജൻ കാക്കനാടന്റെ ' ഹിമവാന്റെ മുകൾത്തട്ടിൽ ' എന്ന പുസ്തകം കുട്ടികൾക്ക് പരിചയപ്പെടുത്തി കൊടുക്കുകയും അതിലെ ചില ഭാഗങ്ങൾ വായിച്ചു കൊടുക്കുകയും ചെയ്തു. കുട്ടികൾ ശ്രദ്ധയോടെ 'കേട്ടിരുന്നു.

24/7/2017

9.15 ന് എത്തിച്ചേർന്നു.രണ്ടാമത്തെ പീരിയഡ് ആയിരുന്നു ഇന്ന് ക്ലാസ്'. ചില ചോദ്യങ്ങൾ ചോദിച്ചു കൊണ്ട് ക്ലാസ് ആരംഭിച്ചത്.തുടർന്ന് വി.ടി. യെക്കുറിച്ച് സംസാരിച്ചു. ചരിത്രത്തിലും സാഹിത്യത്തിലും വി.ടി ക്കുള്ള സംഭാവനകളെക്കുറിച്ച് സംസാരിക്കുകയുണ്ടായി.വി.ടി യുടെ സമ്പൂർണ്ണ കൃതികൾ അടങ്ങിയ പുസ്തകം പരിചയപ്പെടുത്തുകയുണ്ടായി. കണ്ണീരും കിനാവും എന്ന വി.ടിയുടെ ആത്മകഥയിലെ കുറച്ച് ഭാഗങൾ വായിച്ചു കൊടുത്തു .

21/7/2017

9.15 ന് സ്കൂളിൽ എത്തിച്ചേർന്നു. ഇന്ന് രണ്ടാമത്തെ പീരിയഡ് ആയിരുന്നു ക്ലാസ്.കുട്ടികൾ ഓരോരുത്തരായി അവരുടെ ഗ്രൂപ്പുകളുടെ പേരുകൾ ചാർട്ടിൽ എഴുതി സർഗ്ഗാത്മകമായ ചിത്രങ്ങൾ വരക്കുകയുണ്ടായി.
                  5-മത്തെ പീരിയഡും കിട്ടുകയുണ്ടായി. ഇന്ന് പ്രധാനമായും നിവേദന നിർമ്മാണത്തിനാണ് പ്രാധാന്യം കൊടുത്തത്.കാർഷിക പ്രതിസന്ധിയും കേരളവും എന്ന വിഷയത്തിൽ നിന്നു കൊണ്ടുള്ള നിവേദനത്തിന്റെ മാതൃക പ്രദർശിപ്പിച്ചു. ചാർട്ടിലെ മാതൃക വിശദീകരിച്ചു.തുടർന്ന് ' കാർഷിക വ്യവസഥിതിയും പ്രതിസന്ധികളും കേരളത്തിൽ ;  എന്ന മറ്റൊരു വിഷയത്തിൽ നിന്നു കൊണ്ട് നിവേദനം തയ്യാറാക്കൻ നിർദ്ദേശിച്ചു.' മിക്ക കിട്ടുകൾക്കും നിവേദനം തയ്യാറാക്കാൻ അറിയില്ലായിരുന്നു. ഈ പ്രവർത്തനത്തിലൂടെ സാമാന്യ ധാരണ ഉണ്ടാക്കാനായി കഴിഞ്ഞു.

20/7/2017

പതിവുപോലെ സ്കൂളിൽ എത്തിച്ചേർന്നു. ഇന്ന് അസംബ്ലി നടത്തുകയുണ്ടായി. മലയാള മനോരമ പത്രത്തിന്റെ വിതരണം നടത്തുന്നതിനായി MLA ജോയി വരുകയും ചടങ്ങ് ഉദ്ഘാടനം നടത്തുകയും ചെയ്തു. തുടർന്ന് ക്വിസ് മത്സരത്തിൽ പങ്കെടുത്തു വിജയിച്ച കുട്ടികൾക്കുള്ള സമ്മാനദാന ചടങ്ങും ഇതോടൊപ്പം നടത്തുകയുണ്ടായി.
                         
                          ഇന്ന് 7 ഉം 8 ഉം പീരിയഡുകളിലായിരുന്നു ക്ലാസ്. കഴിഞ്ഞ ക്ലാസുകളിലായി പരിചയപ്പെട്ട അർത്ഥം കുട്ടികളോട് ചോദിക്കുകയുണ്ടായി. കുട്ടികൾ ഉത്തരം നൽകി. തുടർന്ന് കുട്ടികളോട് ഗ്രൂപ്പുകളായി ഇരിക്കുവാൻ നിർദ്ദേശിച്ചു. തുടർന്ന് സവിശേഷ പ്രയോഗങ്ങൾ അടങ്ങിയ ചാർട്ടുകൾ ഓരോ ഗ്രൂപ്പുകളിലായി ഓരോന്ന് വീതം നൽകുകയും ചർച്ച ചെയ്ത്  ഉത്തരം എഴുതാൻ നിർദ്ദേശിക്കുകയും ചെയ്തു. ഓരോ ഗ്രൂപ്പിൽ നിന്നും ഒരു കുട്ടി പ്രവർത്തനം വായിക്കുകയും ആവശ്യമായ നിർദ്ദേശങ്ങൾ കൊടുക്കുകയും ചെയ്തു..
                 രണ്ടാമതായി ഒരു പ്രവർത്തനം കൂടി നൽകുകയുണ്ടായി. നമ്മുടെ കാർഷിക സംസ്കാരവും ആഘോഷങ്ങളും പരസ്പരം ബന്ധപ്പെട്ടു കിടക്കുന്നു അത്തരത്തിൽ ഉള്ള പാംത്തിലെ ആശയങ്ങൾ കണ്ടെത്തുന്നതിനായി നിർദ്ദേശിച്ചു. ഏഴാമത്തെ പീരിയഡിൽ പ്രവർത്തനം പൂർണമായി അവതരിപ്പിക്കു
കയുണ്ടായി.

19/7/2017

ബുധനാഴ്ച ആയതു കൊണ്ട് തന്നെ ഫ്രീ ആയിരുന്നു. എന്നിരുന്നാലും രണ്ടാമത്തെ പീരിയഡ് അധ്യാപകർ ഇല്ലാത്തതിനാൽ ക്ലാസ് എടുക്കുന്നതിനായി സാധിച്ചു. കുട്ടികളിൽ ചിലരുടെ കൈയിൽ പുസ്തകം ഉണ്ടായിരുന്നു. ഒരു ബെഞ്ചിൽ രണ്ട് പുസ്തകം വീതം ഉണ്ടായിരുന്നതിനാൽ തന്നെ ക്ലാസ് എടുക്കാനായി സാധിച്ചു. പാം ഭാഗത്തിന്റെ ബാക്കി വായിക്കുന്നതിനും ആശയ വിശദീകരണം നടത്തുന്നതിനുമായി ഇന്ന് കഴിഞ്ഞു.

18/7/2017

9.15ന് സ്കൂളിൽ എത്തിച്ചേർന്നു. ഇന്ന് ഏഴും എട്ടും പീരിയഡുകൾ കിട്ടുകയുണ്ടായി. പ്രധാനമായും പാം ഭാഗ വായനയാണ് നടന്നത്. ബോർഡിൽ എഴുതി അർത്ഥപരിചയം നടത്തി.സവിശേഷ പ്രയോഗങ്ങൾ ബോർഡിൽ എഴുതിയിടുകയും ഓരോന്നിനും വിശദീകരണങ്ങൾ നൽകുകയും ചെയ്തു. ആശയ വിശദീകരണത്തിൽ കർക്കടകത്തെക്കുറിച്ചുള്ള പരാമർശം ഉണ്ടായിരുന്നു. കർക്കടകവും ഓരോ മാസങ്ങളും സൂര്യനും' ഋതുക്കളും തമ്മിലുള്ള ബന്ധത്തെക്കുറിച്ച് കുട്ടികൾ ക്ക് പറഞ്ഞു കൊടുത്തു.ഇത്തരത്തിൽ പാം ഭാഗത്തിന്റെ പ്രധാന ആശയങ്ങളിലേക്ക് കടക്കുകയായിരുന്നു ഇന്ന് . അതു കൊണ്ട് തന്നെ മറ്റ് പ്രവർത്തനങ്ങൾ ചെയ്യിക്കുന്നതിനായി കഴിഞ്ഞില്ല.

17/7/2017

പതിവുപോലെ സ്കൂളിൽ  എത്തിച്ചേർന്നു.രണ്ടാമത്തെ പിരിയഡിൽ ആയിരുന്നു ക്ലാസ്. ആണ്ടറുതി പരിചയപ്പെടുത്തുകയും പ്രധാന ആണ്ടറുതികൾ ഏതൊക്കെയാണെന്ന് പരിചയപ്പെടുത്തുകയും ചർച്ചയിലേയ്ക്ക് നയിക്കുകയും ചെയ്തു.പദ്യ ഭാഗത്തിന്റെ അർത്ഥ വിശദീകരണം നടത്തുകയുണ്ടായി. തിരുവാതിര എന്ന ആണ്ടറുതിയുടെ പ്രാധാന്യത്തെക്കുറിച്ച് പറഞ്ഞു കൊടുത്തു. അതുമായി ബന്ധപ്പെട്ടു നിൽക്കുന്ന ഐതിഹ്യം വിശദീകരിക്കുകയുണ്ടായി. കഥകൾ കേൾക്കാൻ കുട്ടികൾക്ക് വളരെ ഇഷ്ടമായിരുന്നു'. ഇന്ന് പ്രധാനമായും പാം ഭാഗത്തിന്റെ ആശയ വിശദീകരണം ആണ് നടന്നത്.

14/7/2017- വീണ്ടും വിദ്യാഭ്യാസ ബന്ദുകൾ

9.15 ന് സ്കൂളിൽ എത്തിച്ചേർന്നു.വിദ്യാഭ്യാസ ബന്ദ് ആയതു കൊണ്ട് തന്നെ കുട്ടികൾ കുറവായിരുന്നു. കുട്ടികളോട് ക്ലാസ് തൂത്തു വൃത്തിയാക്കാൻ നിർദ്ദേശിച്ചു. സ്കൂൾ കുറച്ച് കഴിഞ്ഞ് വിടുകയും ചെയ്തു .3 .10 ന് ഞങ്ങളും ഇറങ്ങി.

പൂക്കളും ആണ്ടറുതികളും - 13/7/ 2017

9.15 ന് സ്കൂളിൽ എത്തിച്ചേർന്നു. ഇന്ന് അസംബ്ലി ഉണ്ടായിരുന്നു. കാർഷിക ദിനത്തോടും ഓണത്തോടും അനുബന്ധിച്ച് ഒരു പ്രതിജ്ഞ വായിക്കുകയും കുട്ടികൾ ഏറ്റുചൊല്ലുകയുംചെയ്തു.വിഷയരഹിതമായ പച്ചക്കറി വേണം ഓണത്തിനുപയോഗിക്കാൻ എന്ന ഉദ്ദേശത്തോടു കൂടി നടത്തിയ പ്രതിജ്ഞയാണത്.തുടർന്ന് ക്വിസ് മത്സരവിജയികൾക്ക് സമ്മാനദാനവും നടത്തി.പി.ടി.എ യുടെ ആഭിമുഖ്യത്തിൽ പതിമൂന്ന് ഫാനുകൾ നൽകുകയുണ്ടായി.
                               യാദൃശ്ചികമായാണ് നിരീക്ഷണത്തിനായി അധ്യാപികയായ റാണി ടീച്ചർ വന്നത് .മൂന്നാമത്തെ പിരീഡിൽ ക്ലാസിൽ കയറുകയും ചെയ്തു. പൂക്കളും ആണ്ടറുതികളും എന്ന പുതിയ പാഠത്തിന്റെ തുടക്കമായിരുന്നു ഇന്ന് .അസംബ്ലിയിൽ പറഞ്ഞ പ്രതിജ്ഞയെ ഊന്നി കൊണ്ടാണ് ക്ലാസ്സ് തുടങ്ങിയത്.ഇന്നത്തെ കാർഷിക വ്യവസ്ഥയെക്കുറിച്ചും കേരളീയ സംസ്കാരത്തെക്കുറിച്ചും ക്ലാസ്സിൽ ചർച്ച നടത്തുകയു ഉണ്ടായി.അതിനു ശേഷം മലയാള മാസത്തെക്കുറിച്ച് ചോദിച്ചു .ചില കുട്ടികൾ പറയുകയുണ്ടായി അതിനു ശേഷം മലയാള മാസം പരിചയപ്പെടുത്തുന്നതിനായി ചാർട്ട് പ്രദർശിപ്പിച്ചു. പൂക്കളെയും ആഘേശങ്ങളെക്കുറിച്ച് സംസാരിക്കുകയും കൂട്ടികൾ അവരുടെ അറിവുകളും അനുഭവങ്ങളും പങ്കുവയ്ക്കുകയും ചെയ്തു.  തുടർന്ന് കേരള സംസ്കാരത്തിന്റെയും പൂക്കളുടെയും ചിത്രങ്ങൾ അടങ്ങിയ വീഡിയോ പ്രദർശിപ്പിച്ചു. പൂക്കളെക്കുറിച്ച് ചർച്ച നടത്തി. സ്ഥിരമായി കാണുന്ന ചെടികളുടെയും പൂക്കളുടെയും പേരുകൾ കണ്ടെത്തി എഴുതാനായി തുടർ പ്രവർത്തനമായി നൽകി.
                        അഞ്ചാമത്തെ പിരിയഡും തുടർന്ന് ഉണ്ടായിരുന്നു. സിമന്റ് കൊണ്ട് കെട്ടിയ തിട്ടകൾ ഉള്ള മരത്തിന്റെ തണലിൽ ആകാം അടുത്ത പഠനം എന്ന് തീരുമാനിച്ചു. ഞങ്ങൾ മരത്തിന്റെ തണലിൽ പഠനം ആരംഭിച്ചു. വൃക്ഷങ്ങളെക്കുറിച്ച് സംസാരിച്ചുകൊണ്ട് ക്ലാസ് ആരംഭിച്ചു. പാം ഭാഗം വായനയിലേയ്ക്കും പ്രധാന ആശയങ്ങളിലേയ്ക്കും കടക്കുകയായിരുന്നു.

12/7/2017

ബുധനാഴ്ച ആയതു കൊണ്ട് തന്നെ പീരിയഡ് ഇല്ലായിരുന്നു. മറ്റ് ഒഴിവ് പീരിയഡുകളോ കിട്ടിയിരുന്നില്ല . 8 സി യിലെ കുട്ടികൾ ഫ്രീ പീരിയഡിൽ വന്നു വിളിക്കുകയുണ്ടായി. ധാരാളം കുട്ടികൾ ഉള്ള ഒരു ക്ലാസാ ണത് . മലയാളത്തിലെ ചില വാക്കുകൾ കുട്ടികൾക്ക് കേട്ടെഴുത്തിടുകയുണ്ടായി. ശരിയായ വാക്കുകൾ തുടർന്ന് ബോർഡിൽ എഴുതി പരിചയപ്പെടുത്തി. 3.25 ന് സ്കൂൾ വിട്ടു.

11/ 7/2017

മൂന്നുകാലഘട്ടത്തിന്റെയും ഇന്നത്തെ കാലത്തെ യാത്രയുടെ പ്രത്യേകത കൂടി ഉൾപ്പെടുത്തി ക്കൊണ്ടുള്ള തുടർ പ്രവർത്തനം ക്ലാസിൽ അവതരിപ്പിച്ചു. തുടർന്ന് , ചാർട്ട് കാണിക്കുകയും കുട്ടികൾ എഴുതാതിരുന്ന സൂചനകൾ എഴുതിയെടുക്കാൻ നിർദ്ദേശം നൽക്കുകയും ചെയ്തു
                 തുടർന്ന് ഇ.വി. കൃഷ്ണപിള്ളയെ ക്കുറിച്ച് സംസാരിക്കുകയുണ്ടായി. ഇ വി കൃഷ്ണപിള്ളയുടെ ജീവചരിത്രം കുട്ടികളിൽ കൗതുകമുണർത്തി. തുടർന്ന് ഇ.വി.യുടെ ജീവചരിത്ര സൂചനകൾ അടങ്ങിയ ചാർട്ട് പ്രദർശിപ്പിച്ചു. സൂചനകളുടെ അടിസ്ഥാനത്തിൽ ജീവചരിത്രക്കുറിപ്പ് എഴുതുവാൻ നിർദ്ദേശിച്ചു.കുട്ടികൾ വളരെ നന്നായി പ്രവർത്തനം ചെയ്യുകയുണ്ടായി.

10/7/1017

കഴിഞ്ഞ ക്ലാസ്സിൽ പറഞ്ഞ മൂന്ന് യാത്രകളെയും കുറിച്ച് പറഞ്ഞു കൊണ്ട് ക്ലാസ് ആരംഭിച്ചു. മുന്നേ തന്നെ തിരിച്ചതായ ഗ്രൂപ്പുകളായി ഇരിക്കാൻ നിർദ്ദേശിച്ചു. അതിനു ശേഷം യാത്രാവേളയിൽ നേരിടേണ്ടി വരുന്ന പ്രശ്നങ്ങൾ ' എന്തൊക്കെയാണെന്ന്  കണ്ടെത്താൻ നിർദ്ദേശിച്ചു. രണ്ടാമത്തെ ഗ്രൂപ്പ് നന്മയുടെ പൂക്കളിൽ നിന്നും വളരെ നല്ല ഉത്തരങ്ങൾ
കണ്ടെത്തി അവതരിപ്പിക്കുകയുണ്ടായി. ഉത്തരങ്ങൾ അടങ്ങിയ ചാർട്ട് പ്രദർശിപ്പിക്കുകയും കുട്ടികൾ നൽകിയ നല്ല ഉത്തരങ്ങൾ കൂടി തൽസമയ o എഴുതിച്ചേർക്കുകയും ചെയ്തു.
                        അതിനു ശേഷം
മൂന്നാമത്തെ ആശയ വിശദീകരണം നടത്തി. തുടർപ്രവർത്തനമായി ഈ മൂന്നു കാലഘട്ടങ്ങളേയും താരതമ്യ o ചെയ്യുന്നതിനായി നൽകി.

6/7/2017

വളരെ നല്ല ഒരു ദിനമായിരുന്നു ഇന്ന്. 9.15ന് സ്കൂളിൽ എത്തിച്ചേർന്നു
                            4, 5 പീരിയഡുകളിൽ ഇന്ന് ക്ലാസ് ഉണ്ടായിരുന്നു.നാലാമത്തെ പീരിയഡിൽ കയറുകയും ചില ചോദ്യങ്ങൾ പാഠഭാഗത്തു നിന്നും ചോദിക്കുകയും ചെയ്തു. തുടർ പ്രവർത്താവതരണം നടത്തി. പ്രവർത്തനത്തെ ക്രോഡീകരിച്ചു.
അതിനു ശേഷം കുട്ടികളെ ഗ്രൂപ്പുകളായി തിരിക്കാൻ തീരുമാനിച്ചു.നമ്പറുകൾ എടുത്തു. നമ്പറുകൾ അനുസരിച്ച് ഓരോ ഗ്രൂപ്പുകളായി തിരിക്കാൻ   തീരുമാനിച്ചു.അതിനു ശേഷം ഓരോ ഗ്രൂപ്പുകളിൽ നിന്നും ഗ്രൂപ്പ് പേര് നിർദ്ദേശിക്കാൻ ആവശ്യപ്പെട്ടു. കുട്ടികൾ പരസ്പരം ചർച്ച നടത്തുകയും ചെയ്തു. ഒന്നാമത്തെ ഗ്രൂപ്പിന് - തുടി- എന്നും ' രണ്ടാമത്തെ ഗ്രൂപ്പിന് -നന്മയുടെ പൂക്കൾ - എന്നും, മൂന്നാമത്തെ ഗ്രൂപ്പിന് -മലർവാടി - എന്നും, നാലാമത്തെ ഗ്രൂപ്പിന് - ചിത്രശലഭങ്ങളുടെ വീട് -  എന്നിങ്ങനെ പേരുകൾ നിർദ്ദേശിച്ചു. അതിനു ശേഷം വള്ളത്തിൽ കൂടിയുള്ള യാത്രയിൽ യാത്രാന്ത്യത്തിൽ യാത്രക്കാർ എത്തിച്ചേരുന്ന അവസ്ഥയെക്കുറിച്ച് എഴുതാൻ നിർദ്ദേശിക്കുന്നു. കുട്ടികൾ ചർച്ച നടത്തി എഴുതുകയും, ഗ്രൂപ്പിൽ നിന്നും പ്രതിനിധി അവതരിപ്പിക്കുകയും, പ്രവർത്തനത്തെ ക്രോഡീകരിക്കുകയും ചെയ്തു.
                     5 -മത്തെ പീരിയഡിലും ഗ്രൂപ്പുകളായി തന്നെ ഇരിക്കാൻ നിർദ്ദേശിച്ചു. പാഠഭാഗത്തിന്റെ മറ്റൊരു പ്രധാന ആശയത്തിലേയ്ക്ക് കടന്നു. ഇ.വി.യുടെ കാലഘട്ടം വായിച്ച് ആശയ വിശദീകരണം നടത്തുകയും ചെയ്തു.ഇന്നത്തെ യാത്രയിൽ നേരിടുന്ന പ്രശ്നങ്ങൾ എന്തൊക്കെയാന്നെന്ന് ഗ്രൂപ്പുകളായി കണ്ടെത്താൻ നിർദ്ദേശിച്ചു. കുട്ടികൾ ചർച്ച നടത്തുകയും വ്യത്യസ്തമായ പൊയിന്റുകൾ കണ്ടെത്തി അവതരിപ്പിക്കുകയും ചെയ്തു. അതിനു ശേഷം മൂന്ന് കാലഘട്ടത്തോടൊപ്പം ഇന്നത്തെ കാലഘട്ടത്തിലെ യാത്രയിലെ പ്രത്യേകതകൾ കൂട്ടിച്ചേർത്ത്  താരതമ്യം ചെയ്യാൻ നൽകുന്നു . ബോർഡിൽ വരച്ച് മാതൃക കാണിച്ചു കൊടുത്തു.

അക്ഷരത്തിലേയ്ക്ക് ..... 5/7/2017

പതിവുപോലെ 9.15 ന് സ്കൂളിൽ എത്തിച്ചേർന്നു.9 .25 ന് ഈശ്വര പ്രാർത്ഥന നടത്തി.
                      ഇന്ന് എനിക്ക് ഫ്രീ പീരിയഡ് ആയിരുന്നു.അതു കൊണ്ട് തന്നെ ക്ലാസിൽ മറ്റ് ഫ്രീ അവറുകൾ കിട്ടിയതുമില്ല. എന്നിരുന്നാലും അക്ഷരങ്ങൾ അറിയാത്ത 8 ജി യിലെ കുട്ടികൾ, വരുകയും, അവർക്ക് അക്ഷരങ്ങൾ പഠിപ്പിക്കുകയും , അതിനു ശേഷം കൂട്ടക്ഷരങ്ങളും പഠിപ്പിക്കുകയുണ്ടായി. 'വഴിയാത്ര ' എന്ന പാO ഭാഗത്തെ ആദ്യത്തെ ഖണ്ഡിക വായിച്ചു കൊടുക്കുകയും ,കുട്ടികളെക്കൊണ്ട് പല തവണ വായിപ്പിക്കുകയും ചെയ്തു.വായനയിലെ ചില സംശങ്ങൾ ചോദിക്കുകയും ചെയ്തപ്പോൾ വളരെ സന്തോഷം തോന്നി.

8 C യിലെ എന്റെ കുട്ടി വരച്ച ചിത്രം

നിശബ്ദമായ വിദ്യാലയം 4/7/2017

9.15 ന് സ്കൂളിൽ എത്തിച്ചേർന്നു. പതിവിൽ നിന്നും സ്കൂൾ നല്ല നിശബ്ദമായിരുന്നു. ഓഫീസിൽ കയറി ഒപ്പിട്ടു ഇറങ്ങി. അപ്പോഴാണ്  ഇന്ന് സമരം ആണെന്ന് അറിഞ്ഞത്. കുട്ടികൾ പൊതുവേ കുറവായിരുന്നു.8 ജി യിൽ പോയി അന്വേഷിക്കുകയുണ്ടായി 7, 8 കുട്ടികളെ ഉണ്ടായിരുന്നുള്ളൂ. 9.25 ന് ഈശ്വര പ്രാർത്ഥന നടന്നു. 
                     അതിനു ശേഷം 8 ജി യിലേയ്ക്ക് പോയി. കുട്ടികൾ കുറവായതുകൊണ്ട് തന്നെ ക്ലാസെടുത്തില്ല.  ക്ലാസ് മുറിയിൽ ഒരു ലൈബ്രറി നിർമിക്കുന്നതിനെക്കുറിച്ച് സംസാരിക്കുകയുണ്ടായി. ലൈബ്രറി ഡിസൈൻ ചെയ്ത പല മോഡലുകൾ കുട്ടികളെ കാണിക്കുകയുണ്ടായി. തുടർന്ന് അതിന്റെ ചർച്ചകൾ നടന്നു. ഒരു കുട്ടി ഒരു നിർദ്ദേശം മുന്നോട്ടു വയ്ക്കുകയുണ്ടായി. ബോർഡ് വച്ചിരിക്കുന്ന ഡെസ്ത്തിൽ 3, 4 റോകൾ ഉണ്ടായിരുന്നു. അതിൽ പുസ്തകങ്ങൾ അടുക്കി വയ്ക്കാമെന്നും പറഞ്ഞു. അതൊരു വളരെ നല്ല നിർദ്ദേശം ആയി തോന്നുകയുണ്ടായി.
     
                             ഇന്ന് 2.30 ന് "പ്രതിഭ സംഗമം" എന്ന പരിപാടി ഉണ്ടെന്ന് അറിയിക്കുകയും. 10, +2 തലങ്ങളിലായി  മുഴുവൻ വിഷയത്തിനും A+ നേടിയ കുട്ടികളെ ആദരിക്കുകയും ചെയ്യുകയുണ്ടായി. 2.30 ന് പരിപാടി ആരംഭിച്ചു.അസ്വ. വി. ജോയി ഉദ്ഘാടനം നിർവ്വഹിച്ചു.ആശംസ പ്രസംഗങ്ങളും തുടർന്ന് സമ്മാനദാന ചടങ്ങും നടത്തുകയുണ്ടായി. 4. മണിക്ക് ചSങ്ങ് കഴിഞ്ഞു.'