9.15 ന് സ്കൂളിൽ എത്തിച്ചേർന്നു. പതിവിൽ നിന്നും സ്കൂൾ നല്ല നിശബ്ദമായിരുന്നു. ഓഫീസിൽ കയറി ഒപ്പിട്ടു ഇറങ്ങി. അപ്പോഴാണ് ഇന്ന് സമരം ആണെന്ന് അറിഞ്ഞത്. കുട്ടികൾ പൊതുവേ കുറവായിരുന്നു.8 ജി യിൽ പോയി അന്വേഷിക്കുകയുണ്ടായി 7, 8 കുട്ടികളെ ഉണ്ടായിരുന്നുള്ളൂ. 9.25 ന് ഈശ്വര പ്രാർത്ഥന നടന്നു.
അതിനു ശേഷം 8 ജി യിലേയ്ക്ക് പോയി. കുട്ടികൾ കുറവായതുകൊണ്ട് തന്നെ ക്ലാസെടുത്തില്ല. ക്ലാസ് മുറിയിൽ ഒരു ലൈബ്രറി നിർമിക്കുന്നതിനെക്കുറിച്ച് സംസാരിക്കുകയുണ്ടായി. ലൈബ്രറി ഡിസൈൻ ചെയ്ത പല മോഡലുകൾ കുട്ടികളെ കാണിക്കുകയുണ്ടായി. തുടർന്ന് അതിന്റെ ചർച്ചകൾ നടന്നു. ഒരു കുട്ടി ഒരു നിർദ്ദേശം മുന്നോട്ടു വയ്ക്കുകയുണ്ടായി. ബോർഡ് വച്ചിരിക്കുന്ന ഡെസ്ത്തിൽ 3, 4 റോകൾ ഉണ്ടായിരുന്നു. അതിൽ പുസ്തകങ്ങൾ അടുക്കി വയ്ക്കാമെന്നും പറഞ്ഞു. അതൊരു വളരെ നല്ല നിർദ്ദേശം ആയി തോന്നുകയുണ്ടായി.
ഇന്ന് 2.30 ന് "പ്രതിഭ സംഗമം" എന്ന പരിപാടി ഉണ്ടെന്ന് അറിയിക്കുകയും. 10, +2 തലങ്ങളിലായി മുഴുവൻ വിഷയത്തിനും A+ നേടിയ കുട്ടികളെ ആദരിക്കുകയും ചെയ്യുകയുണ്ടായി. 2.30 ന് പരിപാടി ആരംഭിച്ചു.അസ്വ. വി. ജോയി ഉദ്ഘാടനം നിർവ്വഹിച്ചു.ആശംസ പ്രസംഗങ്ങളും തുടർന്ന് സമ്മാനദാന ചടങ്ങും നടത്തുകയുണ്ടായി. 4. മണിക്ക് ചSങ്ങ് കഴിഞ്ഞു.'
Saturday, 8 July 2017
നിശബ്ദമായ വിദ്യാലയം 4/7/2017
Friday, 7 July 2017
വള്ളത്തിൽ കൂടിയുള്ള യാത്ര ...... 3/7/2017
പതിവു പോലെ 9.15 ന് സ്കൂളിൽ എത്തിച്ചേർന്നു. ഓഫീസിൽ കയറി ഒപ്പിട്ടു. 9. 25 ന് ഈശ്വര പ്രാർത്ഥന ആരംഭിച്ചു.ഇന്ന് ഒബ്സർവേഷനായി കോളേജിൽ നിന്നും പ്രഥമ അദ്ധ്യാപകൻ പ്രവീൺ സാർ വന്നിരുന്നു. എനിക്ക് രണ്ടാമത്തെ പീരിയഡ് ആയിരുന്നു. അതു കൊണ്ട് തന്നെ ആദ്യം എന്റെ ക്ലാസ് കാണാനായി വന്നു.
രണ്ടാമത്തെ പീരിയഡിൽ ക്ലാസിൽ കയറി. കഴിഞ്ഞ ക്ലാസിൽ പഠിപ്പിച്ച കാൽനടയായുള്ള യാത്രയെക്കുറിച്ച് ചില ചോദ്യങ്ങൾ ചോദിക്കുകയുണ്ടായി. കുട്ടികൾ പ്രതികരിക്കുകയും ചെയ്തു. എന്നാൻ വ്യക്തിഗതമായി ചോദ്യം ചോദിച്ചിരുന്നില്ല. അതിനു ശേഷം പാഠഭാഗത്തിന്റെ രണ്ടാമത്തെ ആശയത്തിലേയ്ക്ക് കടന്നു. കാൽനടയാത്രയ്ക്ക് ശേഷം വള്ളത്തിൽ കൂടിയുള്ള യാത്രയെക്കുറിച്ച് പാഠഭാഗത്ത് നിന്നും വായിക്കുകയും, ആശയ വിശദീകരണം നടത്തുകയും ചെയ്തു. കുട്ടികളെ കൊണ്ട് തന്നെ ആശയഗ്രഹിക്കുന്നതിന് അവസരം നൽകി. ''ധനിക്കു ശത്രുക്കള സംഖ്യമുണ്ടാം" എന്ന ആശയത്തെ ആഷിക് എന്ന കുട്ടി വളരെപ്പെട്ടന്ന് തന്നെ ആശയം വിശദീകരിക്കുകയുണ്ടായി. വായനയ്ക്ക് ശേഷം രണ്ട് ബെഞ്ചുകൾ ചേർത്ത് ഒരു ഗ്രൂപ്പായി തിരിച്ചു. അതിനു ശേഷം വ്യത്യസ്ത ചോദ്യങ്ങൾ അടങ്ങിയ ചാർട്ട് എടുക്കുകയും, ഒരു ഗ്രൂപ്പിന് ഒരു ചോദ്യം അടങ്ങിയ ഒരു ചാർട്ട് നൽകുകയും ചെയ്തു. ചോദ്യം പൊതുവായി ഒരാൾ ഗ്രൂപ്പിൽ വായിക്കാൻ നിർദ്ദേശിച്ചു. അതിനു ശേഷം ചർച്ച നടത്തി ഉത്തരം കണ്ടെത്താൻ നിർദ്ദേശിച്ചു. കുട്ടികൾ ചർച്ച നടത്തുകയും ഉത്തരം കണ്ടെത്താൻ ശ്രമിക്കുകയും ബുക്കിൽ ഉത്തരം കുറിക്കുകയും ചെയ്തു. സമയ പരിമിതിമൂലം പ്രവർത്തനം ക്ലാസിൽ അവതരിപ്പിക്കാൻ സമയം കിട്ടിയിരുന്നില്ല. അതിനു ശേഷം ആഡിറ്റോറിയത്തിലേയ്ക്ക് പോവുകയും, പ്രവീൺ സാർ ക്ലാസ് നിരീക്ഷണത്തെക്കുറിച്ച് പറയുകയും, ക്ലാസിലെ ചില പോരായ്മകൾ ചൂണ്ടിക്കാണിക്കുകയും വേണ്ട നിർദ്ദേശങ്ങൾ നൽകുകയും ചെയ്തു. അതിനു ശേഷം സാറും ഞങ്ങളും ഒരുമിച്ച് ഭക്ഷണം കഴിച്ചു.3.25 ന് സ്കൂൾ വിട്ടു.
കാൽനടയിലേക്ക് ഒരു യാത്ര...... 30/6/2017
9.15 ന് സ്കൂളിൽ എത്തിച്ചേർന്നു. ഒപ്പിട്ടതിനു ശേഷം ആഡിറ്റോറിയത്തിലേയ്ക്ക് പോയി. പതിവിലും വ്യത്യസ്തമായി ഇന്ന് അസംബ്ലി ഉണ്ടായിരുന്നു. കുട്ടികൾ വരിവരിയായി അസംബ്ലിയിൽ ചെന്നു. അദ്ധ്യാപകരും വിശിഷ്ട വ്യക്തികളും അസംബ്ലിയിൽ ഹാജരായി. ഈശ്വര പ്രാർത്ഥന നടത്തി .അതിനു ശേഷം സ്കൂൾ പ്രിൻസിപ്പാൾ സ്കൂൾ ശുചീകരണത്തെക്കുറിച്ചും; വസ്ത്രധാരണാ രീതിയെക്കുറിച്ചും കുട്ടികൾക്ക് ബോധവൽക്കരണം നടത്തി.ശേഷം , മറ്റൊരു പ്രധാന ചടങ്ങിലേയ്ക്ക് കടന്നു. MLA അഡ്വ.വി. ജോയി വിശിഷ്ടാതിധിയായിരുന്നു. സ്കൂളിൽ ദേശാഭിമാനി പത്രം അനുവദിക്കുകയും പത്രം സ്കൂൾ പ്രിൻസിപ്പാളിനു നിൽക്കൊണ്ട് അദ്ദേഹം ചടങ്ങ് ഉദ്ഘാടനം ചെയ്തു. അതിനു ശേഷം കുട്ടികൾ അച്ചടക്കത്തോടെ ക്ലാസുകളിലേയ്ക്ക് പോവുകയും ചെയ്തു.
5 മത്തെ പീരിയഡ് ആയിരുന്നു ക്ലാസ്. വായിച്ച ഭാഗത്തെ ചില ചോദ്യങ്ങൾ ചോദിച്ചു കൊണ്ട് ക്ലാസ് ആരംഭിച്ചു. അതിനു ശേഷം കാൽനട യാത്രാ കാലഘട്ടത്തെ മറ്റ് പ്രത്യേകതകളിലേയ്ക്ക് കടന്നു. ഒഴിഞ്ഞ വയറുമായി കിടക്കുന്ന സ്ത്രീകളുടെ അന്നത്തെ അവസ്ഥയെക്കുറിച്ച് ചർച്ച നടത്തി. അതിനു ശേഷം വളരെ പ്രശസ്തമായ സാവിത്രി രാജീവന്റെ " പ്രതിഷ്ഠ" എന്ന കവിത ക്ലാസിൽ പരിചയപ്പെടുത്തി. കവിതയുടെ ഒരു കോപ്പി വീതം ഓരോ ബെഞ്ചിനും നൽകി. കവിത വായിച്ചു കൊടുത്തു. കവിതയിലെ പ്രധാന ആശയത്തെക്കുറിച്ച് ചോദിച്ചു. അടുക്കളയിൽ തേഞ്ഞു തീരുന്ന വീട്ടുപകരണമായി മാറുന്ന സ്ത്രീയെ ഇവിടെ വിശദമാക്കുന്നതായി കുട്ടികൾ പറഞ്ഞു. കവിതയിലെ ആശയങ്ങൾ എഴുതുവാൻ നിർദ്ദേശിച്ചു . പഴയ കാല സാമൂഹിക വ്യവസ്ഥിതിയെക്കുറിച്ച് ചർച്ച നടത്തുകയുണ്ടായി. അങ്ങനെ ആ ദിവസവും കടന്നു പോയി. 3. 25 ന് സ്കൂൾ വിട്ടു.
പാഠത്തിലേക്ക്.,,,,,,29/6/2017
9.15 ന് തന്നെ സ്കൂളിൽ എത്തിച്ചേർന്നു. ഓഫീസിൽ പോയി ഒപ്പിട്ടു. +1 അഡ്മിഷൻ' ആഡിറ്റോറിയത്തിൽ നടക്കുന്നതിനാൽ ഭക്ഷണശാലയിൽ അഭയം പ്രാപിച്ചു. മീറ്റിങ്ങ് കഴിഞ്ഞതിനു ശേഷം ഞങ്ങൾ ആ ഡിറ്റോറിയത്തിലേയ്ക്ക് പോയി.
4-മത്തെ പീരിയഡും 5-മത്തെ പീരിയഡും ആയിരുന്നു ക്ലാസ്. 4-മത്തെ പീരിയഡിൽ ക്ലാസിലേയ്ക്ക് പോയി. 32 കുട്ടികളിൽ 29 കുട്ടികൾ ഹാജരായിരുന്നു. പാഠത്തിലേയ്ക്ക്.,,,,, യാത്രയെക്കുറിച്ചും യാത്ര പോകാനുള്ള കുട്ടികളുടെ ഇഷ്ടത്തെക്കുറിച്ചും ചോദിച്ചു. അതിനു ശേഷം പഴയ കാല യാത്രാമാർഗങ്ങൾ തുടങ്ങി ഇന്ന് വന്നു നിൽക്കുന്ന യാത്രാമാർഗങ്ങൾ വരെ അടങ്ങിയ വീഡിയോ കാണിച്ചു കൊടുക്കുകയും ,വീഡിയോയിലെ ചിത്രങ്ങളെക്കുറിച്ച് ചോദിക്കുകയും ചെയ്തു. കുട്ടികൾ നല്ല പ്രതികരണങ്ങൾ തന്നു. ഇന്നത്തെ യാത്രയിലേയ്ക്ക് വന്നപ്പോൾ മെട്രോ ഒരു ചർച്ചാ വിഷയമായി മാറി. മെട്രോയുടെ കടന്ന് വരവിന്റെ ഉദ്ദേശ്യ ലക്ഷ്യങ്ങളിലേയ്ക്ക് ചർച്ചയെ കൊണ്ടുവന്നു. അത്തരത്തിൽ യാത്രയിൽ നിന്നും യാത്രാനുഭവത്തിലേയ്ക്ക് കടന്നു പോയി. അവരവരുടെ യാത്രാനുഭവക്കുറിപ്പ് തയ്യാറാക്കാൻ നിർദ്ദേശിച്ചു. കുറച്ച് പേർ എഴുതി കാണിക്കുകയും തിരുത്തലുകൾ നടത്തുകയും ചെയ്തു.അപ്പൊഴേക്കും 4-മത്തെ പീരിയഡ് കഴിഞ്ഞു.
ഉച്ചയ്ക്ക് ശേഷമുള്ള ആദ്യ പീരിയഡ് 5-മത്തെതാണ്. അങ്ങനെ മത്തെ പീരിയഡും കയറി. യാത്രാനുഭവക്കുറിപ്പുകൾ പ്രതിനിധി നാളെ തന്നെ ശേഖരിച്ച് കൊണ്ട് വയ്ക്കുന്നതിനുള്ള നിർദ്ദേശം നൽകി. അതിനു ശേഷം "വഴിയാത്ര " എന്ന പാം ഭാഗത്തേക്ക് കടന്നു. പാം ഭാഗം കുറച്ച് വായിക്കുകയും ആശയവിശദീകരണം നൽകുകയും ചെയ്തു.വായിച്ച ഭാഗം മൗനമായി വായിക്കാൻ നിർദ്ദേശിച്ചു. അങ്ങനെ ആ ദിവസവും കടന്നു പോയി.... 3. 25 ന് സ്കൂൾ വിട്ടു.
Thursday, 29 June 2017
28/6/2017
9.10 ന് തന്നെ സ്കൂളിൽ എത്തിച്ചേർന്നു.രജിസ്റ്ററിൽ ഒപ്പിട്ടു. ഇന്ന് എനിക്ക് പീരിയഡ് ഇല്ലായിരുന്നു. എന്നിരുന്നാലും മലയാള അദ്ധ്യാപകനെക്കാണാൻ ആയി പോവുകയുo അദ്ദേഹത്തിന്റെ മറ്റൊരു ക്ലാസ് പരിചയപ്പെടുത്തി തരാൻ അവസരം നൽകുകയും ചെയ്തു.8 C യിൽ കുട്ടികളെ പരിചയപ്പെടാൻ' അവസരം നൽകി. വളരെയധികം കഴിവുള്ള കുട്ടികളെയാണ് ആ ക്ലാസ് മുറിയിൽ കണ്ടത് ."എന്റെ വിദ്യാലയം " എന്ന വിഷയo നൽകുകയും കുട്ടികൾക്ക് ആ വിഷയത്തിൽ നിന്നു കൊണ്ടു കഥ, കവിത, ഓർമ്മക്കുറിപ്പ്, ചിത്രരചന, ലേഖനം ഇതിൽ ഇഷ്ടമുള്ളത് ഈ വിഷയത്തിൽ നിന്നു കൊണ്ട് തയ്യാറാക്കാൻ അവസരം നൽകി. കുട്ടികൾ വളരെ നന്നായും, അർപ്പണബോധത്തോ ടെ ചെയ്യുകയും ചെയ്തു. വളരെ സന്തോഷം തോന്നി. ചെറിയ ചെറിയ വാക്കുകൾ പരിചയപ്പെടുത്തി.രക്ഷാകർത്താവ് - തുടങ്ങിയ വാക്കുകൾ .3.30 ന് സ്കൂളിൽ നിന്നും ഇറങ്ങി.,,,
Wednesday, 28 June 2017
മഴയെത്തും മുൻപേ.....
വർക്കല എത്തിയപ്പോൾ നേർത്ത വെയിൽ ഒരു ആശ്വാസമേകി കടന്നു വന്നു. മഴയെത്തും മുൻപേ തന്നെ സ്കൂൾ നട കടന്നു . അപരിചിത രേപ്പോലെ നോക്കുന്ന കുട്ടികൾ. ഹെഡ്മാസ്റ്ററിനെ കാണാൻ പോയി. ഹാജർ ബുക്ക് നൽകി ഒപ്പിട്ടു. നിങ്ങൾ പ്രഥമ അധ്യാപകനെ കാണാൻ പുറപ്പെട്ടു. അധ്യാപകർ എല്ലാവരും ക്ലാസിൽ പോയതിനാൽ ആരേയും കാണാൻ കഴിഞ്ഞില്ല. ഞങ്ങളുടെ ഇരിപ്പിടം ഉറപ്പിക്കാനായി ആഡിറ്റോറിയത്തിലേയ്ക്ക് പോയി. മറ്റ് കോളേജുകളിൽ നിന്നുള്ള അധ്യാപക വിദ്യാർത്ഥികളും അവിടെ ഉണ്ടായിരുന്നു.കസേര ഇട്ട് ഞങ്ങളും അവരുടെ കൂടെ കൂടി. അപ്പൊഴേക്കും വിരുന്നുകാരനായി മഴ എത്തി.നല്ല കാറ്റും ഉണ്ടായിരുന്നു. ക്ലാസ് മുറിയിലെ വാതിലുകൾ പട പട അടയുന്ന ശബ്ദം .ഞങ്ങൾ ഒന്നു ഞെട്ടി.ശക്തമായ മഴയത്തും കാറ്റത്തും കുട്ടികൾ ബഹളം ഉണ്ടാക്കി കൊണ്ടിരുന്നു. നല്ല മഴയത്ത് ക്ലാസ് എടുക്കുക ബുദ്ധിമുട്ടാണെന്ന് അപ്പോൾ മനസ്സിലായി.അവിടെ ഉണ്ടായിരുന്ന മറ്റ് അധ്യാപക വിദ്യാർത്ഥികളോട് കുട്ടികളെക്കുറിച്ച് അന്വേഷിക്കുകയുണ്ടായി. മഴയായതുകൊണ്ട് തന്നെ സ്റ്റാഫ് റൂമിൽ പോകാൻ കഴിഞ്ഞില്ല. ഇൻറർവെൽ സമയം വന്നു. ഞങ്ങൾ സ്റ്ററ്റാഫ് റൂമിലേയ്ക്ക് പോയി. പ്രഥമ അധ്യാപകൻ ചായ കുടിക്കാൻ പോയിരുന്നു. അധ്യാപകൻ ഒരു പുഞ്ചിരിയോടെ സ്വാഗതം ചെയ്തു. റെക്കോഡ് കാണിച്ചു .ക്ലാസ് കാണാൻ സാർ വരണമെന്ന് പറഞ്ഞു .അധ്യാപകൻ കുറെ നല്ല നിർദ്ദേശങ്ങൾ തരുകയുണ്ടായി.പി.എസ്.സി ടെസ്റ്റിന്റെ കാര്യങ്ങളും യു ജി സി ടെസ്റ്റിന്റെ കാര്യങ്ങളും അധ്യാപകൻ സംസാരിച്ചു. അതിനു ശേഷം അനുഗ്രഹവും നൽകുകയും ചെയ്തു. നല്ല മഴയത്ത് തിരിച്ച് ആ ഡിറ്റോറിയത്തിലേയ്ക്ക് പോയി. ലെസൻ പ്ലാനേയും ചില പുസ്തകങ്ങളെയും കുറിച്ച് ഞങ്ങൾ സംസാരിക്കുകയുണ്ടായി. മൂന്നാമത്തെ പീരിയഡിൽ രേവതിയും, 6 മന്നെ പീരിയഡിൽ അശ്വതിയും ക്ലാസിൽ കയറി.
ഉച്ചയ്ക്ക് 12.15ന് ബെല്ലടിക്കുകയും കുട്ടികൾക്ക് ഭക്ഷണം വിളമ്പാനായി ഞങ്ങൾ പോയി. വളരെ സന്തോഷത്തോടെ ഭക്ഷണം വിളമ്പിക്കൊടുത്തു. ആൺ കുട്ടികൾ മഴയത്ത് നനഞ്ഞു കൊണ്ടാണ് ഭക്ഷണം കഴിക്കാൻ വന്നത് .ഞങ്ങൾ ഭക്ഷണം വിളമ്പുന്നതും മറ്റും പ്രഥമ അധ്യാപകർ നിരീക്ഷിക്കുന്നുണ്ടായിരുന്നു.ഭക്ഷണം വിളമ്പിക്കഴിഞ്ഞ് കുറച്ച് പയറും ഉരുളൻ കിഴങ്ങ് കറിയും രസവും ഞങ്ങളും ആഡിറ്റോറിയത്തിലേയ്ക്ക് പോയി. വളരെ നല്ല ഭക്ഷണമാണ് ഇവിടെ നൽകുന്നത്. അധ്യാപകരിൽ കുറച്ച് പേരെങ്കിലും ഇവിടുന്നാണ് ഭക്ഷണം കഴിക്കുന്നത് '
7 മത്തെ പീരിയഡ് അടുത്തു . ഞാൻ ക്ലാസിലേയ്ക്ക് കയറി. കുട്ടികൾ അവരവരുടെ സ്ഥലങ്ങളിൽ സ്ഥാനം ഉറപ്പിച്ചു.തുളസി സാർ എവിടെ എന്നാണ് ആദ്യം കുട്ടികൾ ചോദിച്ചത്. കുട്ടികളുമായി സൗഹൃദ സംഭാഷണത്തിൽ ആർപ്പെട്ടു.കുട്ടികളെ ഒരുമിച്ച് ഗ്രൂപ്പായി തിരിക്കാൻ തീരുമാനിച്ചു. ക്ലാസിൽ 24 കുട്ടികളാണ് ഉണ്ടായിരുന്നത്. എന്നാൽ മഴ കാരണം സ്കൂൾ നേരത്തേമിട്ടു. ഹെഡ്മാസ്റ്ററിനോട് ചോദിച്ച ശേഷം ഞങ്ങൾ 3.15 ന് സ്കൂളിൽ നിന്നും ഇറങ്ങി