8/1/2018

9 മണിക്ക് സ്കൂളിൽ എത്തിച്ചേർന്നു . തുടർന്ന് പാഠഭാഗത്തിന്റെ ആശയം വിശദീകരിച്ചു കൊണ്ട് ക്ലാസ് ആരംഭിച്ചു. പാഠഭാഗത്തു നിന്നും ശരിയായ പദം കണ്ടെത്തുന്നതിനായി അർത്ഥം എഴുതിയ ചാർട്ട് പ്രദർശിപ്പിച്ചു. തുടർന്ന് പാഠഭാഗത്തു നിന്നും ശരിയായ പദം കണ്ടെത്തുന്നതിന് നിർദ്ദേശിക്കുകയും ഓരോ ബെഞ്ചു വീതം ഒരു പദം കണ്ടെത്തിയത് അവതരിപ്പിക്കുകയും ചെയ്യുന്നു. തുടർന്ന് കുട്ടിക്കാലത്തെ അനുഭവം പങ്കു വച്ചു കൊണ്ടുള്ള എം.ടി യുടെ കുപ്പായം എന്ന പാഠഭാഗത്തെ ആസ്വദിച്ചതുകൊണ്ടുള്ള അനുഭവം അറിയിച്ചു കൊണ്ട് കത്ത് തയ്യാറാക്കുന്നതിന് നിർദ്ദേശിക്കുന്നു. കുട്ടികൾ കത്ത് തയ്യാറാക്കുകയും അവതരിപ്പിക്കുകയും ചെയ്യുന്നു. തുടർന്ന് പാഠഭാഗത്തു നിന്നും പഴയകാല ജീവിതത്തെ സൂചിപ്പിക്കുന്ന പദങ്ങൾ കണ്ടെത്തുന്നതിന് നിർദ്ദേശിക്കുന്നു. കുട്ടികൾ കണ്ടെത്തി അവതരിപ്പിക്കുന്നു.